22-24-noyabr kunlari Rossiyaning Yaroslavl shahrida short-trek boʻyicha “Yosh yuguruvchi” xalqaro musobaqasi boʻlib oʻtdi. Unda hamyurtimiz Alimardon Mahmudov 2 yoʻnalishda muvaffaqiyat qozondi.

Yosh sportchimiz dastlab 333 metr masofaga kechgan bahsda barcha raqiblarini ortda qoldirishga erishdi. Shundan soʻng u 500 metrga kechgan yoʻnalishda ham tengsiz boʻldi. Shu tariqa, yosh vakilimiz ikki yoʻnalish gʻolibiga aylanib, yurtimiz sharafini munosib himoya qildi.