15-22 noyabr kunlari Qozog‘istonning Nur-Sulton shahrida kamondan otish bo‘yicha xalqaro xotira turniri bo‘lib o‘tdi. Unda Rossiya, O‘zbekiston, Qirg‘iziston, Belarus, Gruziya, Tojikiston va Qozog‘iston davlatlaridan 100 nafarga yaqin sportchilar ishtirok etdi.

Bahslarda yurtimiz sharafini himoya qilgan Munisaxon Yo‘ldosheva yakkalik dasturida g‘alaba qozondi. Yo‘ldosheva Beknur Nasriddinov bilan mikst dasturida to‘rtinchi o‘rin bilan bilan kifoyalandi.

Eslatib o‘tamiz, Bangladeshda yakuniga yetgan Osiyo chempionatining miks dasturida ham asosiy jamoamiz to‘rtinchi natijani qayd etgan edi.