AQSHning Manchester shahrida oʻtkazilgan jangda chililik Xose Velaskesni 12 raundlik jangda magʻlubiyatga uchratib, oʻzining WBA va IBF kamarlarini himoya qilgan bokschimiz Murodjon Ahmadaliyev bugun Toshkentga qaytib keldi.

Chempion bokschimiz Islom Karimov nomidagi Toshkent xalqaro aeroportida tantanali ravishda kutib olindi. Marosimida Oʻzbekiston boks federatsiyasi rahbariyati, Milliy Gvardiya qoʻmondonligi, OAV vakillari, bokschining yaqinlari va muxlislar ishtirok etishdi.

Yigʻilganlar hamyurtimizni navbatdagi muvaffaqiyatli jang bilan tabriklab, uning kelgusi faoliyatida omad va zafarlar tilab qolishdi.