Shundan soʻng Rustam Shoabdurahmonov MOQning Toshkent viloyati vakili, joylardagi BOʻSM direktorlari bilan suhbatlashib, tumanlardagi sport maktablari holati, umumtaʼlim maktablarida oʻqiyotgan yoshlarning qanchasi sportga qamrab olingani, ularning sport inventarlari bilan taʼminlanganlik darajasi, u yerda yaratilgan sharoit va muammolarni oʻrgandi. Shuningdek, MOQ rahbari joylardagi epidemiologik vaziyatga jiddiy eʼtibor qaratish, qishki mavsumda isitish tizimi bilan yuzaga kelishi mumkin boʻlgan muammolarni oldini olish boʻyicha oʻz tavsiyalarini berib oʻtdi.
18 Dekabr 2021
1557
MOQ rahbari Toshkent viloyatining ikki tumanidagi BOʻSMlar faoliyati bilan tanishdi
Hukumatimizning xalqimiz orasida sogʻlom turmush tarzini yanada keng targʻib qilish boʻyicha bergan topshirigʻiga asosan bugun MOQ raisi Rustam Shoabdurahmonov Toshkent viloyatining ikki tumanida boʻlib, u yerlardagi vaziyat bilan yaqindan tanishdi.
Tashrif davomida MOQ rahbari Yuqorichirchiq va Parkent tumanlarida boʻlib, hududlardagi Bolalar va oʻsmirlar sport maktablarida yaratilgan sharoitlar bilan tanishdi. Qayd etish joiz, bu orada xapkido boʻyicha oʻtkazilayotgan musobaqa orqali mavjud infratuzilma va yoshlarning salohiyatini koʻzdan kechirib olish mumkin edi.