Bugun AQSHning Manchester shahrida katta professional boks kechasi boʻlib oʻtadi. Unda hamyurtimiz, yengil vazn toifasining WBA va IBF kamarlari sohibi Murodjon Ahmadaliyev “Kaka” titullarini himoya qiladi.

9 jang oʻtkazib, ularning barchasida gʻalaba qozongan Ahmadaliyev chililik majburiy daʼvogar Xose Velaskesga qarshi ringga koʻtariladi. Velaskes shu paytgacha 29 jang oʻtkazib, ularning 6 tasida magʻlub boʻlgan va 2 bor durang qayd etgan. Gʻalabalarining 19 tasini nokaut bilan qoʻlga kiritgan. Ketma-ket 21 ta jangdan beri gʻalaba qozonib kelmoqda.

Jang avvalida tashkil etilgan matbuot anjumanida hamyurtimiz yengil vazn toifasidagi barcha kamarni birlashtirishni rejalashtirayotgani haqida aytib oʻtdi. Oʻz navbatida, biz ham bokschimizga boʻlajak bahsda omad tilab qolamiz.

Ahmadaliyev-Velaskes qarama-qarshiligi Toshkent vaqti bilan taxminan 20-noyabr tongiga toʻgʻri keladi.