Fransiyalik mutaxassis ishtirokida Respublikamiz boʻylab mahorat saboqlari tashkil etilmoqda

Yurtimizda iqtidorli sportchilarni kashf qilish va zamonaviy seleksiya metodikalarini mahalliy mutaxassislarga oʻrgatish boʻyicha amaliy ishlar olib borilmoqda. Ushbu dastur doirasida ayni kunlarda qilichbozlik boʻyicha ulkan tajribaga ega fransiyalik mutaxassis Mari Blum yurtimizda boʻlib turibdi.

Fransiya Respublikasining Oʻzbekistondagi elchixonasi bilan hamkorlikda yoʻlga qoʻyilgan loyiha doirasida Mari Blum yurtimizning turli viloyatlarida boʻlib, oʻz malakasi bilan oʻrtoqlashadi. Dasturga binoan mehmon dastlab Toshkent shahrida, soʻng Buxoro viloyatida yosh sportchi va murabbiylar uchun mahorat saboqlari oʻtkazdi. Bugun va ertaga samarqandlik qilichbozlik uchun ana shunday tadbir moʻljallangan. Mazkur loyiha poytaxtimizda oʻtkazilayotgan bolalar oʻrtasidagi Markaziy Osiyo chempionatining soʻnggi kunida yakuniga yetadi.