17 Noyabr 2021
3661
Yosh dzyudochilarimiz Osiyo chempionatiga tayyorlanishmoqda
4-5 dekabr kunlari Livan poytaxti Bayrut shahrida yoshlar o‘rtasida Osiyo-Okeaniya chempionati bo‘lib o‘tadi.
Hozirda ushbu musobaqada ishtirok etish istagini qit’amizning 16 davlatidan jami 124 (80 erkak, 44 ayol) nafar dzyudochi bildirgan. Ular orasida to‘liq tarkibdagi O‘zbekiston terma jamoasi ham bor. Chempionat kattalar o‘rtasidagi odatiy yettita vazn toifasida o‘tkaziladi.
Ayni paytda Osiyo chempionatida yurtimiz sharafini himoya qiluvchi terma jamoamiz a’zolari O‘zbekiston dzyudo federatsiyasida kuniga ikki mahaldan mashg‘ulotlarda ishtirok etishyapti. Tarkibda Shohruh Mamarasulov, Islombek Ravshanqulov, Jayhunbek Nazarov, Shukurjon Aminova, Irisxon Qurbonboyeva, Sita Kadamboyeva singari yoshlarimiz bor.
