15 Noyabr 2021
1929
Yosh shpagachilarimiz kosta-rikadagi Jahon kubogida g‘alaba qozonishdi
Kosta-Rika poytaxti San-Xose shahrida qilichbozlikning shpaga yo‘nalishi bo‘yicha yoshlar o‘rtasida Jahon kubogining navbatdagi bosqichi bo‘lib o‘tdi. Unda yosh shpagachilarimiz ajoyib natija qayd etdilar.
Yakkalik bahslarida ikki vakilimiz finalda g‘oliblik uchun bahs olib borishdi. Unda Dilnaz Murtazoyeva Sevara Rahimovadan 15:7 hisobida ustun keldi. Yana bir vakilamiz Shahzoda Egamberdiyeva esa bronza medalini qo‘lga kiritdi.
Ahamiyatlisi, qizlarimiz jamoaviy yo‘nalishda ham tengsiz bo‘lishdi. Dastlab Panamani 45:20 hisobida dog‘da qoldirgan vakillarimiz finalda mezbonlardan 45:30 hisobida ustun kelishdi.
