“Olimpik”ning g‘alabali yurishi davom etadi
MOQ qoshida tashkil etilgan “Olimpik” klubi Pro-liga doirasidan o‘rin olgan navbatdagi bahsni o‘tkazdi. Bu gal jamoamiz o‘z maydonida Samarqandning “Dinamo” klubini qabul qildi.
Uchrashuvda Temur Kapadze shogirdlari 2:1 hisobida g‘alaba qozonishdi. Mezbonlar safida birinchi taymda Alisher Odilov hisobni ochgan bo‘lsa, ikkichi bo‘limda Temur Mamasiddiqov oradagi farqni ikkitaga yetkazdi. Ushbu gollarga raqib jamoa tarkibida Ro‘zimboy Ahmedov bir bor javob qaytara oldi xolos.
“Olimpik” – “Dinamo”
Gollar: 31- Alisher Odilov (1:0), 57- Temur Mamasiddiqov (2:0), 70- Ro‘zimboy Ahmedov (2:1)
Ushbu g‘alabadan so‘ng “Olimpik” turnir jadvalida uchinchi o‘ringa mustahkam joylashib oldi va kelasi mavsum Superliga yo‘llanmasi uchun kurashni davom ettirmoqda.
