Para-akademik eshkak eshish bo‘yicha O‘zbekiston chempionlari aniqlandi
Toshkent viloyatidagi eshkak eshish bazasida mexanik snaryadlarda para-akademik eshkak eshish bo‘yicha mamlakat chempionatida g‘olib va sovrindorlar nomi ma’lum bo‘ldi.
Musobaqada respublikamizning turli hududlaridan kelgan 70 dan ziyod sportchilar g‘oliblik uchun kurash olib borishdi. Ta’kidlash joiz, ushbu musobaqa yangi mavsum oldidan terma jamoa murabbiylari uchun asosiy tarkibni shakllantirib olish yo‘lida saralash vazifasini bajarib berdi. Bahslarda Tokio-2020 Paralimpiya o‘yinlari ishtirokchilari Otabek Qo‘chqorov va Feruza Bo‘riboyeva ham ishtirok etishmoqda.
Natijalar:
PR2
1. O.Qo‘chqorov
2. X.Ne’matov
3. K.Suyunov
PR3
1. M.Sulaymonov
2. A.Abdurahmanov
3. R.Jo‘rayev
Bugun ham musobaqa doirasida yana bir qator yo‘nalishlarda g‘oliblar aniqlanishi barobarida murabbiylar uchun seminar ham tashkil etiladi.
