Jamila Panfilova jahon chempionatidagi ishtirokini yakunladi
Toshkentda ogʻir atletika boʻyicha kattalar oʻrtasida jahon chempionati davom etmoqda. Musobaqaning navbatdagi kuni supachaga -55 kg vazn toifasidagi ayollar koʻtarilishdi. Ushbu guruhda hamyurtimiz Jamila Panfilova ham ishtirok etdi.
2003-yil Toshkent viloyatida tavallud topgan sportchi qizimiz jahonning eng sara atletlari bilan munosib bahs olib bordi. Dast koʻtarish mashqida 82 kgni koʻtargan Panfilova siltab koʻtarish dasturida 98 kg natija qayd etdi. Ishonib qolamizki, jahon chempionati sportchimiz uchun yaxshi mahorat maktabi boʻlib xizmat qiladi.
Kattalar oʻrtasida jahon chempionati
Ayollar -55 kg
1. Gufran Belkxir (Tunis) – 203 (92+111) kg;
2. Adenike Adijat Olarinoye (Nigeriya) – 203 (90+113) kg;
3. Svitlana Samulyak (Ukraina) – 201 (91+110) kg;
15. Jamila Panfilova (Oʻzbekiston) – 180 (82+98) kg.
