Jahon kubogini kumush medal bilan yakunladik
Toshkentda qilichbozlik boʻyicha yoshlar oʻrtasida Jahon kubogi oʻz yakuniga yetdi. Musobaqaning soʻnggi kunida sablya boʻyicha jamoaviy yoʻnalishda gʻolib va sovrindorlar aniqlandi.
Turnirda yurtimiz sharafini himoya qilgan qilichbozlarimiz finalgacha mardonavor yetib borishdi. Hal qiluvchi bosqichda vakillarimiz misrlik qilichbozlarga qarshi jang qilishdi, biroq yakunda omad afrikalik sportchilar tomonda boʻldi. Uchinchi oʻrin uchun kechgan bellashuvda rossiyalik qilichbozlar polshalik raqiblaridan ustun kelishdi.
Jahon kubogi, yoshlar.
Sablya, jamoaviy:
1. Misr
2. Oʻzbekiston (Sh.Mamutov, P.Genjebayev, B.Rasulov, J.Dushamboyev)
3. Rossiya
Shu tariqa, qilichbozlarimiz mazkur musobaqani 1 ta kumush va 2 ta bronza medallari bilan yakunlashdi. Eslatib oʻtamiz, bunagcha rapirachilarimiz jamoaviy dasturda va sablyachimiz Pazil Genjebayev yakkalikda bronza medali bilan taqdirlangan edi.