7 Dekabr 2021
1607
Bahromjon Gaziyev Rossiyadagi musobaqada muvaffaqiyatli ishtirok etdi
Rossiyaning Moskva shahrida joylashgan “Maxima stables” ot sporti klubida konkur yoʻnalishi boʻyicha xalqaro musobaqa boʻlib oʻtdi. Ahamiyatlisi, unda Oʻzbekiston yilqichilik va ot sporti federatsiyasi raisi Bahromjon Gaziyev sovrindorlar qatoridan joy oldi.
Hamyurtimiz balandligi 120 sm boʻlgan CSI-1 * “Kristal tour” yoʻnalishida ishtirok etdi. “Lady” laqabli tulpor bilan oʻz chiqishini namoyish etgan Bahromjon Gaziyev ikkinchi oʻrin sohibiga aylandi. Ushbu dasturda gʻalaba “Starbucks” otida qatnashgan rossiyalik Anastasiya Sherbakovaga nasib etgan boʻlsa, kuchli uchlikni boshqa bir mezbon Anatoliy Shishkov (“Katmand”) yopib berdi.
