Bugun poytaxtimizdagi “Yunusobod sport kompleksi”da sambo bo‘yicha kattalar o‘rtasida jahon chempionati boshlandi. Hisob bo‘yicha 46-marotaba tashkil etilayotgan bahslarda jahonning 50 ga yaqin mamlakatidan 400 nafarga yaqin sambochilar sovrinli o‘rinlar uchun kurash olib borishadi.

Musobaqa erkaklar, ayollar va jangovar sambo yo‘nalishida tashkil etiladi. Har bir yo‘nalishda 7 tadan – umumiy hisobda 21 ta vazn toifasida g‘olib va sovrindorlar aniqlanadi. Reglamentga ko‘ra, bugun ayollar o‘rtasida -50 kg, -54 kg va -59 kg vazn toifalarida, erkaklar bahsida esa -58 kg va -64 kg, jangovor sambo bo‘ycha -98 kg va +98 kg vazn toifalarida bahslar bo‘lib o‘tmoqda.