11 Noyabr 2021 1316

ROZKda yosh chempionlar uchun ma’naviy uchrashuv o‘tkazildi

O‘sib kelayotgan yosh sportchilarimizda vatanga bo‘lgan muhabbatni yanada oshirish, ularning bilagida vulqon kabi otilayotgan kuchni to‘g‘ri yo‘lga sarflash maqsadida Respublika Olimpiya zaxiralari kollejida uchrashuv o‘tkazildi.

Ushbu tadbirda O‘zbekiston Respublikasi Bosh prokuraturasi, Davlat xavfsizlik xizmati, Vazirlar Mahkamasi huzuridagi Din ishlari qo‘mitasi, Turizm va sport vazirligi, MOQ mutasaddilari, sport faxriylari, kollej o‘qituvchilari va yosh sportchilar ishtirok etishdi.

So‘zga chiqqan vakillar so‘nggi paytlarda ba’zi sportchilarimizning noto‘g‘ri yo‘lga kirib qolayotgani, buning natijasida yuzaga kelishi mumkin bo‘lgan noxushliklardan saqlanish xususida yoshlarimizga qimmatli maslahatlar berib o‘tishdi. O‘z navbatida, yosh chempionlarimizga kuchlarini to‘g‘ri va maqsadli yo‘lda sarflash, aksincha uni raqiblarga qarshi ishlatib, vatanimiz dovrug‘ini dunyoga tanitish maqsadga muvofiq ekani ta’kidlandi.

Tashkilotchilar mavzu yuzasidan videorolik taqdim etishdi. Yakunda bu bo‘yicha ishtirokchilar o‘rtasida qizg‘in bahs-munozaralar o‘tkazildi.

Text to speech