Xalqaro boks assotsiatsiyasi (AIBA) dekabr oyida Turkiyada oʻtishi rejalashtirilgan ayollar oʻrtasidagi jahon chempionatini kelgusi yilga qoldirmoqda.

Bunga sabab butun dunyoda yuzaga kelayotgan koronavirus pandemiyasining yana bir toʻlqini deb keltirib oʻtilmoqda. Xalqaro tashkilot bu borada Turkiya milliy federatsiyasi bilan muzokara oʻtkazgani maʼlum qilindi.

Eslatib oʻtamiz, Istanbul shahri 6-19-dekabr kunlari ayollar oʻrtasidagi dunyo birinchiligini qabul qilishi kerak edi. Yangi kelishuvga koʻra muddat kelasi yilning mart oyiga qoldirilmoqda.