Bugun poytaxtimizdagi “Depo Mall” koʻngilochar markazida basketbolning 3×3 yoʻnalishi boʻyicha mamlakat chempionati start oldi. Musobaqaning tantanali ochilish marosimida MOQ raisi Rustam Shoabdurahmonov, Oʻzbekiston sport faxriylari kengashi raisi Bahodir Maxsitov, Oʻzbekiston basketbol federatsiyasi rahbariyati va koʻp sonli muxlislar ishtirok etishdi.

Marosimda MOQ rahbari ramziy maʼnoda toʻpni halqaga tushirib berdi. Talabalik davrida 3 yil basketbol bilan shugʻullangan Rustam Shoabdurahmonov bir urinishning oʻzida toʻpni savatga joylab qoʻydi va shu bilan chempionatning ochilish marosimidagi atmosfera yanada koʻtarildi.