Xabar berganimizdek, gandbol bo‘yicha O‘zbekiston ayollar terma jamoasi Ispaniyada o‘tkazilayotgan jahon chempionatida ishtirok etmoqda. Kecha vakillarimiz birinchi tur doirasida Shvetsiyaga qarshi bahs o‘tkazishdi.

Uchrashuvda shvedlar har tomonlama ustunlik qilishdi. Yakunda bahs 46:15 hisobida skandinavlarning g‘alabasi bilan tugadi. Bellashuvda vakillarimizdan M.Xudoyqulova hamda S.Razakbergenova 3 martadan raqib darvozasini ishg‘ol qilishdi. Eslatib o‘tamiz, Shvetsiya terma jamoasi Tokio-2020 Olimpiadasining yarim finalchisi hisoblanadi.

Guruhning narigi uchrashuvida Niderlandiya Puerto-Rikodan 55:15 hisobida ustun keldi. Ta’kidlash joiz, qizlarimizning kelgusi raqibi aynan niderlandlar hisoblanishadi. Amaldagi jahon chempionlariga qarshi bo‘lajak bahs ertaga o‘tkaziladi.