MOQ qoshida tashkil etilgan “Olimpik” futbol klubi Superliga yo‘llanmasi uchun kechgan bellashuvda “Mash’al”ni mag‘lubiyatga uchratib, kelasi mavsum eng yuqori ligada o‘ynash huquqini qo‘lga kiritdi.

Teng kurashlar ostida kechgan birinchi bo‘limda hisob ochilmadi. Bahs taqdirini ikkinchi taym hal qilib berdi. Garchi birinchi bo‘lib jamoamiz o‘z darvozasidan to‘p olib chiqqan bo‘lsa ham, qolgan vaqtda ketma-ket 3 bor gol urgan Temur Kapadze shogirdlari o‘yin taqdirini o‘z foydalariga hal qilishdi.

“Olimpik” – “Mash’al” 3:1
Gollar: 56- Sirojiddin Qo‘ziyev (0:1), 62- Otabek Jo‘raqo‘ziyev (1:1), 75- Temur Mamasiddiqov (2:1), 77- Temur Mamasiddiqov (3:1).

O‘zbekiston Milliy Olimpiya qo‘mitasi ushbu g‘alaba bilan “Olimpik” jamoasi muxlislarini, hamkasblarimizni samimiy muborakbod etib, klubimizga kelgusi mavsumda ham omad tilab qoladi.