Serbiyada o‘tayotgan boks bo‘yicha jahon chempionatining yarim final bellashuvlari biz uchun muvaffaqiyatli boshlandi. E’tiborlisi, Abdumalik Xalakov to‘g‘ridan to‘g‘ri final yo‘llanmasini qo‘lga kiritdi.

-60 kg vazn toifasida ajoyib jang o‘tkazayotgan yurtdoshimizga final yo‘lida eronlik Doniyol Shohbaxsh raqiblik qilishi kerak edi. Biroq Shohbaxshning jarohati jiddiy bo‘lgani bois raqib ringga chiqmaydigan bo‘ldi.

Xalakovning finaldagi raqibi Fransiya va Dominikan bokschilari o‘rtasidagi bahs g‘olibi bo‘ladi. Kechki dasturda kubalik Xulio La Kruzga qarshi ringga ko‘tariladigan Madiyar Saidrahimovga chiroyli g‘alaba tilab qolamiz.