Bugun, 4-noyabr kuni Toshkentdagi O‘zbekiston taekvondo WT assotsiatsiyasiga qarashli “Universal” sport majmuasida taekvondo bo‘yicha kattalar o‘rtasidagi O‘zbekiston chempionati start oldi.

Unda qizlar ham, o‘g‘il bolalar ham 8 tadan vazn toifasida mamlakat chempionligi uchun dayanga chiqishmoqda. Reglament bo‘yicha, dastlabki kungi bellashuvlarda qizlar -62, -67 kg, o‘g‘il bolalar -54, -58, -87 kg vazn toifalarida g‘oliblik uchun bahs olib borishadi.

Musobaqada Shohsanam A’zamova, Ozoda Sobirjonova, Gulsanam Alijonova, Shahzod Sayfiyev, Niyoz Po‘latov, Sardor Toirov, Jasur Jaysunov, Shahboz Tusmatov, Shuhrat Salayev, Nikita Rafalovich, Svetlana Osipova, Shohruh Rajabov kabi terma jamoamizning taniqli vakillari ham ishtirok etishmoqda.