O‘zbekiston regbi federatsiyasi ilk marotaba oliy o‘quv yurtlarida tahsil olayotgan talabalar o‘rtasida regbi-7 bo‘yicha mamlakat chempionatini o‘tkazmoqda.

Bellashuvlarga O‘zbekiston Milliy universitetining bosh stadioni mezbonlik qiladi. Unda 4-5 noyabr kunlari ayollar, 6-7 noyabrda esa erkaklar o‘rtasida eng kuchli jamoalar saralab olinadi. Hozirga kelib, ayollar bahsida ishtirok etish uchun Respublikamizning 12 ta, erkaklar bellashuvlari uchun 16 ta oliy o‘quv yurtidan arizalar kelib tushgan.

Ta’kidlash joiz, mazkur musobaqa yoshlarimiz o‘rtasida regbi sportini yanada ommalashtirish, talabalar orasidan terma jamoaga nomzod bo‘la oladigan iqtidorli sportchilarni saralab olish imkonini taqdim qiladi.