3 Noyabr 2021
1777
Klassik kurashchimiz jahon chempionati medaliga yaqin
Boks bilan bir vaqtning o‘zida Belgrad 23 yoshgacha bo‘lgan kurashchilar o‘rtasidagi jahon chempionatiga ham mezbonlik qilmoqda. Bugun musobaqada yunon-rum kurashi ustalarining chiqishi yakunlanadi.
Unda -60 kg vazn toifasidagi kurashchimiz Muhammadqodir Yusupov shohsupaga ko‘tarilish imkoniyatiga ega. Vakilimiz kechki dasturdan o‘rin olgan o‘tish bosqichida amerikalik Steven Gregerson bilan kurashadi. Ushbu raqib mag‘lub etilsa, bronza medali uchun kechadigan bahsda hamyurtimizni gruziyalik Pridon Abuladze kutib turibdi.
Afsuski, musobaqada ishtirok etgan boshqa vakillarimiz medallar uchun kurashni erta tark etishdi.
