Yigitlarimiz jamoaviy bahsda bronza medaliga sazovor bo‘lishdi
Parij shahrida dzyudo bo‘yicha harbiylar o‘rtasida jahon chempionati o‘z yakuniga yetdi. So‘nggi jamoaviy bellashuvlarda yigitlarimiz shohsupaga ko‘tarilishdi.
Chorak finalda Braziliyadan ustun kelgan polvonlarimiz yarim finalda avstriyalik raqiblariga kichik hisobda imkoniyatni boy berib qo‘yishdi. Bronza medali uchun kechgan bellashuvda Eron jamoasi mag‘lub etildi. Afsuski, qizlarimiz uchinchi o‘rin uchun bahsda avstriyalik raqibalariga imkoniyatni boy berib qo‘ydilar. Qayd etish joiz, qizlarimiz 5 o‘ringa mo‘ljallangan bahsda 3 sportchi bilan yurtimiz sharafini himoya qildilar. Bu esa foydalanilmagan 2 o‘rinda raqibga ustunlik beradi. Shunday bo‘lsa ham, ular bronza medali uchun kurashish bosqichigacha yetib kelishdi.
Eslatib o‘tamiz, dzyudochilarimiz yakkalik bellashuvlarda 4 ta oltin va 1 ta bronza medallari bilan umumjamoa hisobida birinichi o‘rinni qo‘lga kiritishgan edi.
O‘zbekiston Milliy Olimpiya qo‘mitasi o‘z tarixida yubiley 40-bor o‘tkazilgan ushbu musobaqada qo‘lga kiritilgan muvaffaqiyat bilan O‘zbekiston dzyudo federatsiyasi va sportchilarimizni tabriklab qoladi.
