Ishonamizki, hukumatimizning bevosita qoʻllab-quvvatlashi ostida Turizm va sport vazirligi, Milliy Olimpiya qoʻmitasi, Oʻzbekiston boks federatsiyasi va boshqa mutasaddi tashkilotlar bilan hamkorlikda tashkil etilayotgan mazkur tadbirlar yoshlarimiz orasida sogʻlom turmush tarzi targʻiboti yoʻlida navbatdagi muhim qadam boʻladi.
1 Dekabr 2021
1916
Dekabr oyi boks muxlislarini ajoyib janglar kutmoqda
Oʻzbek boksi muxlislari uchun xushxabar. Havaskor boksda jahon arenalarida ulkan muvaffaqiyat qozonib, hozirda professional janglarda ishtirok etayotgan bokschilarimiz joriy oy muxlislar uchun katta bayram hozirlashmoqda.
Dastlab 11-dekabr kuni Tokio-2020 chempioni Bahodir Jalolov super ogʻir vazn toifasida oʻzining navbatdagi jangini oʻtkazadi. BAAdagi “Coca Cola Arena«da oʻtadigan ushbu jangda vakilimizga kim raqiblik qilishi yaqin vaqt ichida rasman maʼlum qilinadi.
Oʻzbek boksi muxlislari uchun xushxabar. Havaskor boksda jahon arenalarida ulkan muvaffaqiyat qozonib, hozirda professional janglarda ishtirok etayotgan bokschilarimiz joriy oy muxlislar uchun katta bayram hozirlashmoqda.
Dastlab 11-dekabr kuni Tokio-2020 chempioni Bahodir Jalolov super ogʻir vazn toifasida oʻzining navbatdagi jangini oʻtkazadi. BAAdagi “Coca Cola Arena«da oʻtadigan ushbu jangda vakilimizga kim raqiblik qilishi yaqin vaqt ichida rasman maʼlum qilinadi.
Aynan shu kuni Toshkentda Shohjahon Ergashev ishtirokidagi yana bir jang oqshomi tashkil qilinadi. Uning markaziy jangida Ergashev JAR vakili Sibusiso Dlomoga qarshi bahs olib borsa, yana bir qator vakillarimiz reyting janglarini oʻtkazishadi.
Shuningdek, oyning yana bir voqeligi 17-dekabrda poytaxtimizdagi “Renaissance hall” majmuasida boʻlib oʻtadi. Unda Isroil Madrimov Kot DʼIvuar vakili Mishel Soraga qarshi markaziy jangda ringga koʻtariladi. Har ikki bokschi oʻz vazn toifasida WBA reytingida mos ravishda 1 va 2-oʻrinni egallab turishibdi. Gʻolib mazkur yoʻnalish chempionligi uchun ringga koʻtarilish imkoniyatiga ega boʻladi. Shuningdek, mazkur kechada Shahram Gʻiyosov, Hasanboy Doʻsmatov, Dilshod Roʻzmetov, Bektemir Meliqoʻziyev, Iqboljon Xoldorov, Elnur Abduraimov kabi bokschilarimiz ham navbatdagi janglarini oʻtkazishadi. Mazkur kecha “Matchroom” promouterlik kompaniyasi tomonidan tashkil etilmoqda.
