Serbiyadagi “Shtark arena” mezbonlik qilayotgan boks bo‘yicha jahon chempionatida terma jamoamiz vakili Abdumalik Xalakov hamyurtlarimiz orasida birinchi bo‘lib yarim final yo‘llanmasini qo‘lga kiritdi.

Chorak finalda bokschimiz Rossiyalik Vsevolod Shumkovga qarshi bahs olib bordi. Xalakovning yaqqol ustunligida o‘tgan bellashuv yakunda hakamlarning ham baholarida o‘z aksini topdi va yurtdoshimiz g‘alabali yurishini davom ettirdi.

Final yo‘llanmasi uchun kechadigan jangda Abdumalik Eron va Litva vakillari o‘rtasidagi bahs g‘olibi bilan bellashadi.