Boks bo‘yicha o‘tkazilayotgan jahon chempionatida -75 kg vazn toifasidagi janglarni bezab berayotgan hamyurtimiz Saidjamshid Jafarov yana bir chiroyli g‘alabani qo‘lga kiritdi.

Yurtdoshimiz uchinchi jangini ozarbayjonlik Mirsharif Kazimzadega qarshi o‘tkazdi. Qiziqarli kechgan bahsda Jafarov kuchli va aniq zarbalari bilan raqibni mag‘lub etib, chorak final sari dadil qadam tashladi.