Toshkentda 23 yoshgacha bo‘lgan futbolchilar o‘rtasida Osiyo chempionati saralash bosqichi “D” guruhining 2-tur uchrashuvlari o‘tkazildi. Bu tur yigitlarimiz Bangladesh darvozasiga javobsiz 6 ta to‘p kiritdilar.

Uchrashuv taqdiri amalda 30 daqiqa ichida hal bo‘lib ulgurdi. Bu vaqt orasida Temur Kapadze shogirdlari raqib darvozasini 4 bor ishg‘ol qilib ulgurishgan edi. Qolgan vaqtlarda bo‘lajak olimpiyachilarimiz turli kombinatsion hujumlarni sinab ko‘rishdi, deyish mumkin.

O‘zbekiston U23 – Bangladesh U23
Gollar: Ulug‘bek Hoshimov 12ʼ, 17ʼ, Eldorbek Begimov 17ʼ, Asliddin Toshtemirov 27ʼ, Abbosbek Fayzullayev 64ʼ, Alisher Odilov 87ʼ.

Guruhdagi narigi uchrashuvda esa quvaytliklar Saudiya Arabistoni yoshlaridan 2:1 hisobida ustun kelishdi.