O‘zbekiston Davlat Jismoniy tarbiya va sport universiteti, O‘zbekiston yilqichilik va ot sporti, zamonaviy beshkurash va polo federatsiyalari, Sport ilmiy tadqiqotlar instituti o‘rtasida ot sportini yanada takomillashtirishda o‘quv-mashg‘ulot yig‘inlari, ilmiy-uslubiy va innovatsion texnologiyalarni joriy etish maqsadida hamkorlik memorandumi imzolandi.

Tadbirda 3 federatsiya boshqaruvini olib borayotgan Bahromjon Gaziyev, O‘zDJTSU prorektori Kamil Bayazitov, institut direktori Rashid Matkarimov va sohaning bir qator mutaxassislari ishtirok etishdi.

Ta’kidlash joiz, Prezidentimiz tomonidan yilqichilik va ot sporti, zamonaviy beshkurash va polo sport turlarini yurtimizda rivojlantirish borasida Qarorlar imzolangan. Mazkur hamkorlik memorandumi ushbu Qarorlar ijrosini ta’minlash yo‘lidagi qadam bo‘ldi. Unga muvofiq, universitet va institut terma jamoamiz vakillari uchun nazariy bilimlarini yanada mustahkamlashda, sportchilarimizning muvaffaqiyatlari yo‘lida ilmiy jihatdan o‘z yo‘nalishida faoliyat olib boradi.

Ayni paytda O‘zDJTSUda ot sporti ta’lim yo‘nalishi bo‘yicha 120 nafarga yaqin talaba tahsil olmoqda. Ularning 17 nafari terma jamoa a’zosi hisoblanadi.