Belgrad (Serbiya) shahrida davom etayotgan boks bo‘yicha jahon chempionatining bugungi dasturini -75 kg vazn toifasidagi Saidjamshid Jafarov hamyurtlarimiz uchun yakunlab berdi.

Slovakiyalik Lukas Fernezaga qarshi kechgan bahsda amaldagi Osiyo chempioni o‘zining ishonchli harakatlari, aniq va kuchli zarbalari bilan raqibiga hech qanday imkoniyat qoldirmadi. Yakunda hakamlar ham Jafarovning 5:0 hisobidagi g‘alabasini ko‘rsatishdi.

Jafarov keyingi bosqichda yaponiyalik Yuito Morivakiga qarshi bahs olib boradi.