Ilk bosqichdayoq yengil vazn “titan”larining to‘qnashuvi
Bugun Belgrad shahrida o‘tkazilayotgan boks bo‘yicha jahon chempionatining ikkinchi kun bellashuvlariga guvoh bo‘lamiz. Unda 3 nafar hamyurtimiz ringga ko‘tariladi.
Shubhasiz, nafaqat biz, balki ko‘plab jahon boksi muxlislarining nigohi -51 kg vazn toifasida ilk bosqichdayoq to‘qnash kelgan hamyurtimiz Hasanboy Do‘smatov va qozog‘istonlik Saken Bibosinov qarama-qarshiligiga qaratiladi. Eslatib o‘tamiz, Do‘smatovda Rio-2016 Olimpiadasining oltin medali bo‘lsa, Bibosinov yaqinda yakuniga yetgan Tokio-2020 Olimpiadasida bronza medalini qo‘lga kiritgan. Shuningdek, kechki dasturda Odiljon Aslonov (-80 kg) va Saidjamshid Jafarov (-75 kg) ham dastlabki bahslarini o‘tkazishadi. Batafsil:
-80 kg: Odiljon Aslonov – Yusuf Changalavey (Tanzaniya) (19:20 dan so‘ng, B ring)
-51 kg: Hasanboy Do‘smatov – Saken Bibosinov (Qozog‘iston) (21:00, A ring)
-75 kg: Saidjamshid Jafarov – L.Ferneza (Slovakiya) (23:05dan so‘ng, B ring)
