20 Oktyabr 2021
1927
Pekin-2022 mashʼalasi Xitoy poytaxtiga yetib keldi
Yana bir necha oydan soʻng start oladigan Pekin-2022 qishki Olimpiya oʻyinlarining mashʼalasi Xitoyga yetib keldi. Pekin shahrida oʻtgan marosim tantanali tashkil etildi.
Unda Pekin shahri maʼmuriyati, boʻlajak Olimpiada tashkiliy qoʻmitasi mutasaddilari va Xitoyning taniqli sportchilari ishtirok etishdi. Shu tariqa ushbu mashʼala bilan Olimpiada boshlanguncha Xitoy boʻylab estafeta oʻtkaziladi.
Pekin ham qishki, ham yozgi Olimpiada mashʼalalarini qabul qilgan ilk shahar boʻlib tarixga kirmoqda. Eslatib oʻtamiz, Pekin-2022 qishki Olimpiya oʻyinlari kelasi yil 4-20-fevral kunlari boʻlib oʻtadi.
