Soloniki (Gretsiya) shahrida sambo bo‘yicha o‘smirlar va yoshlar o‘rtasidagi jahon chempionati davom etadi. Quvonarlisi, hamyurtlarimiz bugungi kunni ham medallar bilan yakunlashdi.

Yigitlarimizdan Musoxon Ziyadinov -71 kg vazn toifasida barcha raqiblarini mag‘lubiyatga uchratib, oltin medalga sazovor bo‘ldi. Qizlarimizdan Azada Aymuratova (-59 kg) final bahsida imkoniyatni boy berib qo‘ydi. Shuningdek, -72 kg vazn toifasida Begoyim Hayitova jamoamiz hisobiga yana bir bronza medalini taqdim qildi.

Shu tariqa jamoamizning mazkur musobaqada jamg‘argan medallari soni 17 (6 ta oltin, 3 ta kumush va 8 ta bronza) taga yetdi.

Terma jamoamiz safida quyidagi sportchilarimiz sovrindorga aylanishdi:

Oltin:
-53 kg: Egambergan Iskandarov (o‘smirlar)
-50 kg: Gulhayo Jo‘rayeva (o‘smir qizlar)
-79 kg: Shaxzodxo‘ja Sharipov (o‘smirlar)
-50 kg: Sabina Davlatova (yoshlar)
-64 kg: Shahriyor Mamatqulov (yoshlar)
-71 kg: Musoxon Ziyadinov (yoshlar)

Kumush:
-47 kg: E’zoza Abdumo‘minova (o‘smir qizlar)
-58 kg: Azam Rashidov (yoshlar)
-59 kg: Azada Aymuratova (yoshlar)

Bronza:
-98 kg: Murod Erkinov (yoshlar)
+98 kg: Dilrux Asliddinov (yoshlar)
-64 kg: Bexruz Omonov (o‘smirlar)
-54 kg: Shaxzoda Azatova (o‘smir qizlar)
-54 kg: Gulchiroy Ismoilova (yoshlar)
-88 kg: Mirjalol Normo‘minov (o‘smirlar)
-65 kg: Gulina Oblaqulova (o‘smir qizlar)
-72 kg: Begoyim Xayitova (yoshlar)