Joriy yil 24 oktyabr kuni bo‘lib o‘tadigan O‘zbekiston Respublikasi Prezidenti saylovida yoshlarimiz ancha faol. Ular orasida sport sohasi vakillari ham borligi biz uchun yanada e’tiborli. Shaxmat bo‘yicha yoshlar o‘rtasidagi ko‘p karra jahon chempioni Javohir Sindorov so‘nggi yillarda yurtimizda ro‘y berayotgan o‘zgarishlar haqida gapirar ekan, yoshlar uchun yaratib berilayotgan sharoitlar haqida ham to‘xtalib o‘tdi. Fursatdan foydalanib, shaxmatchimiz barchani saylovda faol ishtirok etishga chorlab qoladi.