Faxriylarimiz namanganlik sport jamoatchiligini saylovda faol bo‘lishga chaqirdi
Bahodir Maxsitov boshchiligidagi O‘zbekiston sport faxriylari kengashi vakillari Namangan shahrida sport jamoatchiligi bilan uchrashdi. Yig‘ilishda Turizm va sport vazirligi hamda MOQ mutasaddilari, viloyat Kasaba uyushmalari federatsiyasi boshqarmasi, shuningdek, sport maktablarining vakillari ishtirok etishdi.
Kun tartibiga muvofiq, yosh sportchilarga kichikligidan ma’naviy-ma’rifiy yo‘nalishda chuqur bilim berib borish, ularni vatanparvarlik ruhida tarbiyalashga doir masalalar bo‘yicha fikr-mulohazalar bildirildi. Buning uchun murabbiylar mazkur yo‘nalishlar bo‘yicha yoshlar bilan ko‘proq ishlashi ta’kidlandi.
Shuningdek, Bahodir Maxsitov 24-oktyabr – O‘zbekiston Respublikasi Prezidenti saylovi kunida barchani faol qatnashishga, mamlakatimiz kelajagiga befarq bo‘lmay, o‘zlari munosib deb bilgan nomzodga ovoz berishga chorlab qoldi.
