14 Oktyabr 2021
3625
O‘zbekiston – Kuba: Dastlabki sparring janglari o‘tkazildi
Toshkent viloyati Yangiobod o‘quv-bazasida boks bo‘yicha O‘zbekiston va Kuba terma jamoalarining qo‘shma yig‘ini davom etmoqda. Jahon chempionatiga tayyorgarlik vazifasini bajarib berayotgan ushbu yig‘in doirasida dastlabki sparring bahslari o‘tkazildi.
Bu jamoalarning ilk mashg‘ulot jangi bo‘lgani uchun juftliklar maksimal darajada bir-birini o‘rganishga ishladi. Ayniqsa, har qanday musobaqa bezagi bo‘la oladigan Shahram G‘iyosov – Roniyel Iglesias juftligi ko‘pchilikning diqqat-markazida turdi. Shuningdek, eng og‘ir vazn toifasida Olimpiada chempioni Bahodir Jalolov ham mashg‘ulotlarga qo‘shildi.
