Kuni kecha “Rossiya24” telekanalida efirga uzatilgan “O‘zbekiston. Eng yangi tarix” hujjatli filmi internet olamida muhokama markazida bo‘lib turibdi. Bugun MOQ xodimlari ushbu filmni tomosha qilib, uning mazmun-mohiyati haqida fikr almashishdi.

Ushbu film nafaqat millatimizning boy tarixiy merosi, balki so‘nggi yillarda amalga oshirgan ulkan islohotlar haqida hikoya qiladi. Uni tomosha qilar ekanmiz, davlatimizning sanoat, qishloq xo‘jaligi, ichki hamda tashqi aloqalar va boshqa bir qator yo‘nalishda olib borgan oqilona siyosatiga guvoh bo‘lish mumkin. Xalqimizni rozi qilish g‘oyasini o‘zida mujassam qilgan mazkur film barchada iliq taassurot qoldirdi.

Yakunda xodimlar uning mazmun va mohiyati haqida o‘zaro fikr almashdi. Uni barcha federatsiya va assotsiatsiyalarimizda terma jamoamiz mutasaddilari, sportchilarimizga ham yetkazish bo‘yicha takliflar bildirildi.