Bugun mahoratli taekvondochilarimizdan biri Nikita Rafalovich tavallud ayyomini nishonlamoqda.

Rafalovich Nikita Igorevich 1993-yil 10-oktyabr kuni Toshkent shahrida tavallud topgan. Taekvondo boʻyicha jahon chempionatining ikki karra finalchisi (2015 va 2017-yillar). 2014-yil Incheon shahrida oʻtkazilgan Osiyo oʻyinlarining kumush medal sohibi. 2018-yil Osiyo oʻyinlari va Osiyo chempionati gʻolibi. 2016-yil Rio Olimpiadasi ishtirokchisi. Joriy yil Tokio shahrida oʻtkazilgan Olimpiya oʻyinlarida yarim finalgacha yetib bordi.

Oʻzbekiston Milliy Olimpiya qoʻmitasi Nikita Rafalovichni tavallud ayyomi bilan tabriklab, unga uzoq umr, sihat salomatlik va ulkan gʻalabalar tilab qoladi.