Saudiya Arabistonining Jidda shahrida o‘tkazilayotgan og‘ir atletika bo‘yicha o‘smirlar o‘rtasidagi jahon chempionatida terma jamoamiz o‘zining ilk medalini qo‘lga kiritdi. Unda hamyurtimiz Husinboy Matrasulov bronza medaliga sazovor bo‘ldi.

-61 kg vazn toifasida bahs olib borgan Matrasulov dast ko‘tarishda 119 kg natija ko‘rsatib, mazkur yo‘nalish bo‘yicha uchinchi natijani qayd etdi. Hamyurtimiz siltab ko‘tarishda 133 kg, ikki kurash bo‘yicha esa 252 kg ko‘rsatkich bilan musobaqani yakunladi. Afsuski, keyingi ikki dastur bo‘yicha natijalar sovrinli o‘rinlar uchun biroz kamlik qildi.

O‘zbekiston Milliy Olimpiya qo‘mitasi musobaqada qatnashayotgan boshqa vakillarimizga ham muvaffaqiyatli ishtirok tilab qoladi.