6 Oktyabr 2021
1792
Kamondan otish bo‘yicha O‘zbekiston kubogi start oldi
Bugun poytaxtimizdagi Respublika Olimpiya zaxiralari kollejida kamondan otish bo‘yicha yoshlar o‘rtasida O‘zbekiston kubogi start oldi. Unda Respublikamizning turli hududlaridan tashrif buyurgan 50 nafarga yaqin yosh merganlar bahs olib borishmoqda.
Reglament bo‘yicha, ushbu kun musobaqaning saralash bosqichi va ochilish marosimi bo‘lib o‘tdi. Unda MOQ raisi Rustam Shoabdurahmonov, O‘zbekiston kamondan otish federatsiyasi rahbariyati va sport jamoatchiligi mutasaddilari ishtirok etishdi.
Musobaqa terma jamoamiz murabbiylari uchun oldinda turgan yirik musobaqalarga kuchli zaxira sportchilarini aniqlash, iqtidorli yoshlarni saralab olish vazifasini bajarib beradi.
