Ulug‘bek Rashitov bu gal buxorolik yoshlarga motivatsiya berdi
Taekvondo WT bo‘yicha Tokio Olimpiadasi chempioni Ulug‘bek Rashitovning Respublikamiz bo‘ylab yosh sportchilar bilan o‘tkazayotgan uchrashuvlari davom etmoqda. Bu gal sportchimiz buxorolik yoshlar bilan uchrashdi.
Buxoro tumani BO‘SMda o‘tgan uchrashuvda viloyat Turizm va sport boshqarmasi boshlig‘i Botirjon Shaxriyorov, MOQ vakili Husenali Husenov, O‘zbekiston taekvondo WT assotsiatsiyasi Buxoro viloyati vakillari va 500 nafarga yaqin yosh sportchilar jam bo‘lishdi. Ushbu tadbirda dastavval sportchimizning faoliyatiga doir savol javoblar, qiziqarli suhbat bo‘lib o‘tdi. Shundan so‘ng, Ulug‘bek Rashitov buxorolik yoshlarga muhorat saboqlarini ko‘rsatib berdi.
Shubhasiz, Olimpiya o‘yinlari g‘olibi bilan o‘tkazilgan bunday mashg‘ulot buxorolik yosh taekvondochilarning sportga bo‘lgan qiziqishlarini yanada oshirdi va u kabi chempion bo‘lishlari uchun motivatsiya bo‘ldi.
