29 Sentyabr 2021
2808
Toshkentda yengil atletika boʻyicha Markaziy Osiyo chempionati start oldi
29-30-sentyabr kunlari poytaxtimizda yengil atletika boʻyicha Markaziy Osiyo chempionati boʻlib oʻtadi. Ayni paytda musobaqaning bir qator dasturlariga start berildi.
Reglamentga koʻra, turnir oʻsmirlar va yoshlar toifasida tashkil etilmoqda. Unda vakillarimizdan tashqari Qozogʻiston, Tojikiston, Qirgʻiziston va Erondan 1000 nafarga yaqin yosh atletlar gʻoliblik uchun kurash olib borishadi.
Qayd etish joiz, ushbu musobaqa barcha terma jamoalar uchun Xanchjou-2022 Osiyo va Parij-2024 Olimpiya oʻyinlariga seleksiya vazifasini bajarib beradi.
