Sport tibbiyoti sohasida tajriba almashish, xalqaro hamkorlikni rivojlantirish maqsadida O‘zbekiston MOQ qoshidagi Respublika sport tibbiyoti ilmiy-amaliy markazi Rossiya Federatsiyasi Volga davlat universitetining Sport tibbiyoti ilmiy-amaliy markazi va byudjetli federal oliy ta’lim muassasasi o‘rtasida o‘zaro hamkorlik memorandumini imzoladi. Tadbir onlayn formatda o‘tkazildi.

Videokonferensiyada har ikki muassasa rahbarlari RSTIAM direktori professor Abdushukur Abdushukur Sadikov va Volga davlat universiteti rektori professor Rafis Burganov ishtirok etib, hamkorlikning hozirgi holati, o‘zaro manfaatli loyihalarni amalga oshirish, ikki tomonlama tajriba almashish va sport tibbiyotini rivojlantirish bo‘yicha qo‘shma dasturni amalga oshirish bo‘yicha muhokama olib borishdi.

Hujjat quyidagi faoliyatni qo‘llab-quvvatlashni nazarda tutadi: tadqiqotlar bo‘yicha hamkorlik, sport tibbiyoti sohasidagi ta’lim faoliyati, seminarlar va ilmiy konferensiyalarda qatnashish, o‘quv kurslarini tashkil etish, axborot va bibliografik materiallar almashish, sportni biomedikal qo‘llab-quvvatlash sohasidagi faoliyatini kengaytirish uchun nou-xau almashish.