MDH o‘yinlari: Muay-taychilarimizdan sakkizta medal
Qozon shahrida o‘tkazilayotgan birinchi MDH o‘yinlarida jamoamizning muvaffaqiyatli ishtiroki davom etmoqda. Ortda qolgan kun bahslarida 8 ta medalga sazovor bo‘ldik.
Barcha medallar jamlanmasiga muay-taychilarimiz mualliflik qilishdi. Yakunda 1 ta oltin, 1 ta kumush va 6 ta bronza medallari delegatsiyamiz g‘aznasiga qo‘shib qo‘yildi. G‘olib va sovrindorlar:
Oltin:
-57 kg: Faxriddin Hasanov
Kumush:
-63,5 kg: Parviz Abdullayev
Bronza:
-60 kg: Davlatshoh Shamsiyev
-67 kg: Rahimjon Boltaboyev
-71 kg: Karimjon Karimov
-75 kg: Azizbek Madaminov
-81 kg: Shahramxon Hasanov
-91 kg: Ismatilla Ismatillayev
Shuning bilan, delegatsiyamizning medallari soni 67 taga (17 ta oltin, 26 ta kumush va 24 ta bronza) yetdi va umumjamoa hisobida mezbonlardan keyin ikkinchi pog‘onada turibmiz.
