Saytning eski versiyasi

Tokio-2020 Paralimpiya o‘yinlarining navbatdagi kun bahslari boshlandi. Erta tongda 3 nafar para-suzuvchimiz final yo‘llanmasi uchun kurashdi.

Dastlab Firdavsbek Musabekov 100 metrga brass usulida suzish bahsida o‘z guruhida 2-o‘rin bilan hal qiluvchi bosqichga yo‘l oldi. Shundan so‘ng Shohsanam Toshpo‘latova ham to‘rtinchi natija bilan final ishtirokchisiga aylandi. Afsuski, Nigora Mirzohidovadan omad yuz o‘girdi va u saralashda o‘z chiqishini to‘xtatdi.

Shu tariqa, Musabekov Toshkent vaqti bilan soat 15:02 da, Toshpo‘latova esa 15:08 da medallar uchun kurashda qatnashadigan bo‘ldi. Hamyurtlarimizga bo‘lajak bellashuvlarda omad tilab qolamiz!