28 Avgust 2021
1844
Dovurxon Karomatov Tokio-2020 Paralimpiya oʻyinlarining kumush medalini qoʻlga kiritdi
Para-dzyudochimiz Dovurxon Karomatov Tokio-2020 Paralimpiya oʻyinlarida delegatsiyamizning navbatdagi kumush medalini taqdim qildi. Vakilimiz finalda ozarbayjonlik sportchiga qarshi kurashdi.
-81 kg vazn toifasi finalida Huseyn Rahimliga qarshi kurash olib borgan vakilimiz qoʻshimcha vaqtda imkoniyatni boy berib, Paralimpiya oʻyinlarini kumush medal bilan yakunladi.
Shu tariqa delegatsiyamizning Tokio-2020 Paralimpiya oʻyinlaridagi medallari 4 ta oltin, 4 ta kumush va 3 ta bronzani tashkil etmoqda.
