Para-dzyudochimiz Feruz Saidov delegatsiyamizning muvaffaqiyatli yurishini davom ettirmoqda. Polvonimiz hozirgina yakunlangan bellashuvda oltin medalni qoʻlga kiritdi.

-73 kg vazn toifasida bahs olib borgan vakilimiz finalda qozogʻistonlik Temirjan Dauletni ippon bahosi bilan magʻlub etib, Paralimpiya oʻyinlari chempioniga aylandi.

Shu tariqa delegatsiyamiz hisobidagi oltin medallar 4 taga yetmoqda!