Футболчиларимиз бугун ОЧ финали ва Токио-2020 йўлланмаси учун майдонга чиқишади

Таиландда давом этаётган футбол бўйича U-23 Осиё чемпионатида бугун ярим финал учрашувлари бўлиб ўтади. Улардан бирида Ўзбекистон ОТЖ Саудия Арабистонига қарши майдонга чиқади.

Мазкур баҳс ғолиби нафақат турнир финали, балки, Токио-2020 Олимпиада йўллананмасига ҳам эга бўлиши билан янада аҳамиятли. Бугун вакилларимиз кўк рангли либосда ҳаракат қилишади. Тошкент вақти билан 15:15 да бошланадиган учрашувни япониялик Рюжи Сато бошчилигидаги ҳакамлар бригадаси бошқариб боради.

U-23 Осиё чемпионати. Таиланд.
Ярим финал. 22 январь, 15:15.
Бош ҳакам: Рюжи Сато (Япония)
Саудия Арабистони – Ўзбекистон

Эслатиб ўтамиз, иккинчи финал йўлланмаси учун Австралия ва Жанубий Корея терма жамоалари майдонга чиқишади. Ўзбекистон Миллий олимпия қўмитаси бўлажак баҳс олдидан терма жамоамизга омад ва ғалаба тилаб қолади!

22 Yanvar, 2020|Янгиликлар|