Шоҳжаҳон Эргашев яна бир рақибини нокаутга учратди

Профессионал боксчимиз Шоҳжаҳон Эргашев Чикагода ўзининг 15-жангини ўтказди.

Ушбу жангда ҳамюртимизга америкалик Зака Рэмси рақиблик қилди. Саккиз раундга мўлжалланган жанг биринчи раунддаёқ якунланди. Боксчимиз илк раундда рақибини нокаутга учратди.

Маълумот учун, Рэмси проф рингда 13 та жанг ўтказиб, уларнинг 8 тасида ғалаба қозонган (4 таси нокаут билан). 5 маротаба мағлуб бўлган (3 маротаба нокаутга учраган).

Шоҳжаҳон учун эса бу 15-жангдаги 15-ғалаба бўлди. У жангларининг 14 тасида рақибларини нокаутга учратган.

Миллий олимпия қўмитаси ушбу муваффақият билан боксчимизни муборакбод этади.

11 Noyabr, 2018|Янгиликлар|